ألذ" براونيز" بمكونات بسيطة فى كل بيت

البراونيز من الحلويات السهلة السريعة التحضير، هى نوع من أنواع الكيك لها طعم وقوام مميز، اقدم لكى طريقة عملها فى البيت بمكونات بسيطة، وطعم تحفة

كوب ونص دقيق (٢٠٠جم)

كوب زبدة سايحة (٢٠٠جم)

معلقة كبيرة زيت
كوب سكر ابيض

ربع كوب سكر بنى
ربع معلقة صغيرة نسكافيه (قهوة سريعة الذوبان)

فانليا - رشة ملح

نص كوب كاكاو خام (٥٠جم)

٣ بيضة - فانليا

( أو قطع شيكولاتة)

- فى بولة ضعى الزبدة السايحة مع السكر الأبيض والبنى ومعلقة الزيت وقلبى حتى تمتزجوا.

- ضيفى البيض مع الفانليا لخليط الزبدة والسكر واستمرى فى النقايب بالمضرب السلك.

- انخلى الدقيق مع الكاكاو الخام ورشة الملح والنسكافيه، وانزلى بهم على الخليط السابق مع التقليب حتى تختفى الدقيق تماماً.

- القوام بيكون ثقيل ضيفى الشوكليت شيبس وقلبى، افردى الخليط فى صنية مفروشة ورق زبدة.

- وزعى على الوجه شوية شوكليت شيبس، ودخليها الفرن ساخن على درجة حرارة 180 لمدة 30 : 35 دقيقة بس.

- طلعى البراونيز من الفرن سبيها تبرد حبة، وقطعيها بسكينة سخنة وقدميها.

- ملحوظة: ممكن تستخدمى ١٠٠جم كاكاو محلى بدل الخام والسكر الأبيض كوب إلا ربع، كمان بديل السكر البنى ضعى معلقة عسل اسود للسكر

وبألف هنـــا وشفـــا

سفرة دايمة